28 марталда Мароккоялда лъугIана паратхэквондистазда гьоркьоб Африкаялъул чемпионат. Россиялъул тIасабищараб командаялда гъорлъ церерахъарал Дагъистаналдаса паратхэквондистазе гьениб щвана цо гIарцул ва кIиго мазгарул медалал.

58 килограмм цIайиялда гIар­цул медаль щвана Марям Салимгереевалъе, мазгарул медалазе мустахIикълъана МухIамадзагьир ГIисалдибиров (75 кг) ва Зайнудин Атаев (75 килограммалдаса цIикIкIараб цIайи).
Тренер МухIамад ГIабдулаевас нухмалъи гьабулеб паратхэквондоялъул рахъалъ тIасабищараб Россиялъул командаялъе гьеб чемпионаталда щвана кIиго меседил, кIиго гIарцул, щуго мазгарул медалал. Гьеб хIасилалда рекъон Россиялъул тIасабищараб командаялъе чемпионаталда щвана тIоцебесеб бакI ва Африкаялъул хIурматияб кубок.