Къецазда гIахьаллъулел руго 20 улкаялъул вакилзаби. ТIадагьаб атлетикаялъул рахъалъ цIар рагIарай спортсменка Елена Исинбаева лъугьана 22-28 февралалда Сочиялда тIоритIулел тIолгодунялалъулал Рагъулал хIаязул хасай вакиллъун. ТIолгодунялалъул хасалил хIаязда исана гIахьаллъулев вуго Европаялдаса ва Азиялдаса 1000-гIанасев вакил. Гьездаго гьоркьор руго НАТОялъул армиязул вакилзабиги.

Россиялъул спорталъул мустахIикъай мастер, РФялъул рагъулал къуватазул майор Е. Исинбаева ккола Олимпиялъул кIицIул чемпионка (2004 ва 2008 сонал), 2012 соналъул Олимпиялъул хIаязул мазгарул призер, рагьараб бакIалда тIоритIарал къецазул дунялалъул лъабцIул чемпионка ва залалда тIоритIарал къецазул дунялалъул ункъцIул чемпионка. Ясазда гьоркьоб гIергун кIанцIиялъул рахъалъ Исинбаевалъ чIезабуна дунялалъул 28 рекорд.