Дагъистанияв Тимур ГIалиевас гIахьаллъи гьабизе буго 17-21 августалда следж-хоккеялъул рахъалъ Москваялъул кубокалъе гIоло тIоритIизе ругел къецазда. Турнир тIобитIизе буго тахшагьаралда ва тIолабго Россиялда спорталъул гьеб тайпа машгьур гьабиялъул мурадалда, хъвалеб буго "Х1акъикъат" газетаялда.

Гьезда гIахьаллъизе ахIун буго Россиялъул следж-хоккеялъул ункъо клуб: "Звезда" (Москва) - гьелъул вакил ккола Тимур ГIалиевги; "Удмуртия" (Ижевск), "ХъахIал циял" (Москва) ва "Феникс" (Москва область).

ГьабсагIат ГIалиев "Звезда" командаялда гъорлъ гIахьаллъулев вуго Тулаялъул Алексин шагьаралда тIоритIулел сборазда.

2010 соналда Москваялъул "ХъахIал циял" командаялда гъорлъ Тимур вахъун вукIана Россиялъул чемпионаталъул гIарцулав призерлъун. Гьеб спортивияб тайпаялда гуревги, гьев ккола лъикIав футболистги. Футболалъул рахъалъ инвалидал-спортсменазда гьоркьов Россиялъул тIаса бищараб командаялда гъорлъ Тимур вахъана дунялалъул щуцIул чемпионлъун.