Дагъистаналдаса дзюдоист ТIагьир ХIайбулаевасги гIахьаллъи гьабизе буго августалда тIоритIизе ругел Олимпиялъул хIаязда. Бразилиялде гьев ине вуго цересел Олимпиялъул хIаязул чемпион хIисабалда.

Гьединго Олимпиадаялде ине вуго МухIарамкент районалда гьавурав, Черкессиялда гIурав Ренат СагIидов. БитIккечIо Олимпиялъул чемпион Мансур ГIисаевасе - гьениве ине кандидатлъун вукIарав Мансурие квалквал гьабуна чанго травма ккун букIиналъ. Олимпиадаялде ине хьулалда вукIана Дербенталдаса дзюдоист Камал ХанмухIамадовги. Амма гьесул бакIалдаги Михаил Пуляев тIасавищана.

Олимпиялъул путевка щвана

Батиров ункъо соналъ ургуялде вахъун вукIинчIо

Исанаялдаса нахъе Бахрейналъе гIоло гугарулев Дагъистаналдаса гугарухъан Адам Батиров ункъо соналъ ургуялде вахъун вукIинчIо. Рио-де-Жанейроялде ине магIаруласе щвараб путевка ккола цIияб улкаялъе босараб. Адам ккола Азиялъул чемпион.