«Дагъистан» волейболалъул команда бергьана к1иабилеб матчалда питералъул «Автомобилисталъукьа». Х1аял т1орит1улел рук1ана Россиялъул чемпионаталъул 4-еб туралда, т1адеганаб «А» лигаялда.
Волейболалъул къецал рук1ана 14 -15 ноябрялъ Г1али Г1алиевасул Дворец спорталда Каспийскалда.

Цере рук1арал х1аязулъги бергьун рук1ана дагъистаниял Питералда 3:0 счеталдалъун (25:21, 25:18, 25:17). К1иабилеб данделъиялда бергьана питерцал - 3:2 счеталдалъун (25:23, 25:21, 22:25, 22:25, 15:12).

Гьеб туралдаса хадуб «Дагъистан», 15 очкогун, рук1ана турниралъул таблицаялъул ункъабилеб мухъида.
Щуабилел туралъул х1аял рук1ине руго 21-22 ноябрялъ.