Саранскалда 1 марталдаса 8 марталде щвезегIан тIобитIана Россиялъул боксалъул чемпионат руччабазда гьоркьоб. Гьел къецазулъ гIахьаллъи гьабуна I90 спортсменкаялъ 49 регионалдаса. Дагъистналдаса боксерал СагIадат ГIабдулаевалъ ва Земфира МухIамадгIалиевалъ гьениб босана ракI чIарал бергьенлъаби.
СагIадат ГIабдулаева бокировать гьаюна 69 кг. цIайиялда. ТIоцересел кIиго къецал гьелъул рукIана А. Мадимаровалъулгун ва Р. Хамчиевалъулгун. Гьезукьа гьей бигьаго бергьана. Финалалда данчIвана цееги гьейгун чанго нухалъ кьапарай Ирина Потеевагун. Цее гьелъукьа къун йикIана СагIадат, гьаб нухалъ дагъистаналъул боксершаялъ киналго рохизаруна гьаб бергьенлъиялдаса.
Земфира гьаб чемпионаталда цее яхъана 8I кг цIайиялда. Гьей кьапана В.Герасименкогун ва ракI чIун бергьана гьелъукьа. Южаковалъ инкар гьабуна гьейгун босировать гьайизе. Финалалда МухIамадгIалиевалъ къезаюна Э.Рамазановаги.