ШагIирасул асарал лъала тIолгодунялалъул гIадамазда. Гьез лъабго нухалда сапар бухьана Непалалде-ги. Гьелъул ракьалда бижана шагIирасул кIиго поэма: «ГIумруялъул гьоко» ва «ЧIагояй аллагь Кумари». Гьел руссинарун руго непал мацIалдеги. Непалалъулазе ро-кьула Расулил асарал. Гьезул ракIазулъ абадияб рокьи тана шагIирас. Россиялъул гIелмуялъул ва культурая-лъул централда Непалалъулгун Россиялъул литератури-яб ассоциациялъул членаз непал мацIалда цIалана кIудияв шагIирасул кучIдул. Гьединго гьениб рагьун букIана ХIамзатил Расулил гIумруялъул ва хъвадарухъанлъия-лъул, Непалалъул ва Дагъистаналъул хIакъалъулъ би-цунеб суратазул выставка.

Тадбиралъе цо хасаб гогьар гъорлъ бессараб берцинлъи кьун букIана Дагъистаналъул «Лезгинка» кьурдул ансамблялъул цебебахъиналъ. Байрам лъугIизегIан, къотIичIо шагIирасул сариназул чвахи.Непалалъул Нагаркоталда рагьана шагIирасул бюст. Гьелъул автор ккола скульптор ва халкъияв художник ГI. Гъазалиев. Гьанже мазгарул шагIирас щибаб къоялъ ракIалдещвезабизе буго непалалъулазда гьудуллъиялдасаги рокьиялдасаги хирияб ва тIадегIанаб жо ракьалда щибниги гьечIеблъи. Непалалда йигей Россиялъул вакил Юлия Андросовалъ бицана гьеб гуманитарияб акциялъул кIиябго рахъалъе бугеб кIудияб кIваралъул хIа-къалъулъ. Жакъа къоялдаса нахъе дагьабги щулалъизе ва цIилъизе буго Непалалъулги Россиялъулги гьоркьоблъи.

Гьединго цIияб, гвангъараб кьер чIвана нилъер гьудул-лъиялдаги,- ян абуна Россиялъул ишазул рахъалъ Непалалда вугев вакил Юрий Южаниновас.Москваялда вугев Дагъистаналъул кидагосев ваки-ласул ишал тIуралев, шагIирасул вацасул вас ХIамзат ХIамзатовас баркала кьуна имгIаласе памятник рагьия-лъул иш гIумруялде бахъинабуразе. Непалалъул милли-яб Ассамблеялъул председатель Ганеш Прасад Тимилси-ница жиндирго рохел загьир гьабуна кIудияв шагIирасе памятник базе рес щвеялдаса.

Дунялго пана гьабураб «ХъахIал къункъраби» кочIол бакъаналда гъоркь рагьана шагIирасе памятник.Тадбиралда гьединго гIахьаллъана «Содружество» фондалъул директор Элвира Аминоваги Непалалъулгун бугеб гьудуллъиялъул жамагIаталъул вакилзабиги, г-н Бал Кришна Дхонжу ва цогидалги