Москваялъул метрополитеналда рагьана I6 февралялъ дагъистаналъул промыслабазул выставка. Гьебги рагьана Сокольники мухъалъул, «Воробьевы горы» абураб станциялда.

Дагъистан ккола гIемерал батIи — батIиял махщнлчагIазул улка, гьеб гьедин букIин мухIкан гьабула гьеб станциялда рагьараб, гIемерал батIи батIиял устарзабазул берциналщинал тIагIелел жанир лъурал цIорол колбада жанир лъурабщиналъ. Гьенир рукIана берцинал тIансабиги, баргъич — курхьабиги, щагIил батIи батIиял тIагIалабиги, унсоколосезул цIулал вазабиги, берцинго миллияб къагIидаялъ ретIа къарал маникеналги ва гь.ц.

Гьеб рагьизе ракIаранун рукIана гIемераб халкъ. Гьезда гьоркьор хас ахIун рачIарал гьалбалги рукIана. Гьеб выставка рагьиги баркун кIалъазе рахъана Москваялъул метрополитеналъул представитель, постпред Изумруд Мугутдинова ва Москваялъул правительствоялъул хъулухъчи.
Выставка «Народные художественные промыслы Республики Дагестан» гьениб букIине буго апрель моцIалде щвезегIан.

Выставка рагьулаго рахъарал суратазухъ балагье>>