РФалъул Общественный палатаялда 9 февралялъ данде гьаруна журналистал ва цоги гIалимчагIи гьоркьоб лъураб суал «Медиапространство ва межнациональные отношения» абураб темаялда тIасан гара — чIвари гьабизе.

Гьеб данделъиялда модераторасул роль жиндаго тIаде босун кIалъазе вахъана д.э.н., председатель комиссии по гармонизации межнациональных и межрелигиозных отношений ОП РФ, профессор НИУ ВШЭ Дискин Иосиф Евгеньевич и д.п.н., заместитель директора ИЭА РАН, член совета при президенте РФ по межнациональным отношениям Зорин Владимир Юрьевич. Гьеб данделъялда гIахьаллъи гьабуна РФялъул Общественный палатаялъул специалистаз, СМИялъул корреспондентаз, общественный хъулухъазул лидераз, Институт этнологиялъул представителаз ва этнокультурияб политикаялъул специалистаз.

Гьениб бицана жакъа къоялъ СМИялда бараб бугила халкъалъул пикрабиян. Гьезда бажарулила интернеталда ва жидерго казет ва телевизоралда цо — го цо квешабщиналъул бицинчIого, лъикIал рахъазулги бицун, гIадамал рази гьаризе.

ОП РФ комиссиялъул Председатель Иосиф Дискиницаги абулеб букIана жакъа гьарулел гIадал дандчIваял гIемерал гьаризе кколила. Гьес гьединго абулеб букIана миллатазул ращалъаби цIунизе кколила. Цо — цо лъикIал гьечIел СМИяз жалго цIализелъун, лъалаго гьел миллатазул гьоркьоблъаби хвезелъун лъикIал гьечIел харбазда тIасан кIалъан, гьезда гьоркьоб рокьукълъи цIикIкIинабулила.

Москваялъул муфтий Альбир Кргановас абуна Россиялда гIолел гьечIила гьеб суалал лъикI лъалел гIалимзаби. Ругелаздаги бажарулеб гьечIила ккараб жоялъе битIараб къимат кьезе. Гьелъ гIемерал бичIчIунгутIиялги кколел ругила.

Владимир Зориницаги бицана гьаб дискусиялъги бихьизабунила Росиялъул политикабазда, экспертазда лъикI лъалеб гьечIолъи миллияб политика битIун бачине.

Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун

 

0