Постпредствоялда цIияб проект «Каспиялъул транспортно-логистическияб ва ралъдал индустриалияб комплексалъул» хIакъалъулъ бицана. Гьеб проекталъул бициналде цебе бихьизабуна Дагъистаналъул хIакъалъулъ бахъараб киноги.
Гьениб бицана Каспиялъул логистический центр гьабизе бугила МахIачхъалаялъул ралъдал бича — хисиялъул порталда. Гьеб бакI данде кколила киналго рахъаз. Гьеб ккола Россиялда бугеб цого — цо цIер чIвалареб ва гъваридаб ралъад. Каспиялъул руго гIемерал лъикIал хаслъаби гьеб проект тIубазабизе ккани къваригIунел.

Дагъистаналъул бетIерас бицаралъухъ баркалаги кьолаго Ираналъул Россиялда вугев посол Мехди Санаицаги бицана гьеб проект Каспиялда гьабуни рукIине ругелщинал лъикIлъабазул.

Гьенир ккаралщинал гара — чIвариязул хIасилги гьабун Рамазан ГIабдулатIиповас абуна жакъа гьанир ракIарун руго холдингалъул директор «Нергиз Дагъистан» Джавид Чаглар, гьас балеб буго чIахIиял рукъариялъул цехал, гьанив руго Государственный Думаялъул депутатал Мурад ХIажиев, Заур Аскендеров, ГIабдулхIамид Эмиргамзаев, Россиялъул транспорталъул Министерствоялъул представителал, Северный Кавказалъул Министерствоялъул представителал, Федералияб таможенный службаялъул хIалтIухъаби, ОАО «РЖД»ялъул, Индиялъул, Ираналъул, Азербайджаналъул, Латвиялъул представителал. Гьанир руго гIемерал транспортно-логистическиял ва инвестиционный компаниябазул, гьединго финансовый институталъул чагIи.

Цебего заман щун букIанила гьадинаб кIвар цIикIкIараб данделъи гьабизе. Официалияб данделъи лъугIун хадуб байбихьана неформалияб гара — чIвариялде.

Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун