Дагъистанияз гIахьаллъи гьабуна «Продэкспо-20I7» выставкаялда, гьез жидерго квванил нигIматал цере лъуна "хIалал" отделалда.

6 февралалъ Москваялда бугеб «Экспоцентралда» рагьана 24-еб халкъазда гьоркьосеб кванил нигIматазул «Продэкспо-20I7» выставка.

«Продэкспо» — ккола бищун кIудияб халкъазда гьоркьосеб кванил нигIматазул выставка гьабулеб бакI. Гьениб жидерго продукция бачIун букIана цохIо Россииялдаса гуреб ва Европаялдасаго производителаз. Исанасеб соналъ гьеб тадбиралда гIахьаллъи гьабуна 2 азаргоялдаса цIикIкIун экспонентаз 60 дунялалъул пачалихъабаздаса. Гьенире рачIун рукIана Турциялдаса, Молдовалдаса, Испаниялдаса, Япониялдаса ва цоги пачалихъабаздаса производителал.

Гьеб тайпаялъул выставкаби гьарула Россиялда киналго производителел цоцада рихьизаризелъун ва гьезие пайда букIинелъун. Гьезул рес букIуна выставкаялъул къояз доре — гьанире инчIого гьенирго къотIи — къаял гьаризе ва жидеего бажарарабгIан пайда босизе. Бича — хиси гьабулезе гьеб къагIидаялъ кьола кIудияб пайда, заман хвечIого гара — чIвари гьабизеги, къварагIарабщинаб балагьизеги.

 

Гьеб выставкаялда цо хасаб бак1 ч1езабун бук1ана х1алал продуктал гьарулезеги. Исана, цере соназгог1адин Москваялде рач1ун рук1ана Дагъистаналъул производителялги-Кизляр-Урицкий гьаналкомбинат, Рисалат ваг ь.ц.
Высавкаялде ине бокьаразул рес буго гьенире ине 6 са 10 февралалде щвезег1ан.