В Крокус сити Холл прошел «Мавлид ан-Наби»
© П. Расулова
«Крокус Сити Холлалда» т1обит1ана «Мавлид ан-Наби»

Концертал гьарулел зал «Крокус Сити Холлалда» 29 январалъ т1обит1ана Мух1аммад Авараг с.г1.в рак1алде щвезавизелъун г1емерал бусурманчаг1и ва гьалбал рак1арараб «Мавлид ан-Наби». Гьеб т1обит1изе т1аде босун бук1ана Россиялъул Муфтиязул Советалъ, РФялъул Духовный управлениялъул х1алт1ухъабаз, Москваялъул Духовный управлениялъул идараялъ ва цогидазги.

Киналго рач1арал гьалбал къабул гьарулел рук1ана берцинго рет1а- къарал васаз ва ясаз. Гьенибго залалда ричизе цере лъун рук1ана исламалъул ва маданияталъул рицунел г1емерал т1ахьал, ричулел рук1ана берцинал руччабазе баргъичал, курхьаби ва к1азал.

0

Мавлид- спектакль байбихьилалде, жидерго хъизан — лъималгун рач1аразул рес бук1ана, жидее хасго г1уц1араб программаялда г1ахьаллъи гьабизе. Руччабазда малъулеб бук1ана к1азал къазе, гьезул кверазда хнаялъ накъищалги рахъулел рук1ана.

Лъималазе цо чанго столалда т1ад бугоан бат1и — бат1ияб къаг1идаялъ берцинал алатал гьаризе малъулел чаг1и. Цояз угьулеб бук1ана г1арабалъ Аллагьин хъвараб раг1и, цогидаз суратал рахъулел рук1ана. Лъималги улбулги цадахъ х1алт1улел рук1ана.

Гьелдаса хадуб къасе саг1ат анлъго т1обадал киналго ах1ана залалда жанире, ц1ияб ургъун бахъараб

«Билараб васигат» абураб театр г1адин бахъараб хабаралъухъ балагьизе. Гьеб бихьизабулеб бугоан ц1ияб къаг1идаялъул 3Dги х1алт1изабун.  Гьелъухъ балагьизе вач1ун вук1ана муфтий шейх Равиль Гайнутдин ва г1емерал цойгидалги.

0

 

Аслиял ролал х1азе ах1ун ругоан театралъул ва киноялъул актерал Марат Башаров, Шамиль Хаматов ва Бибигуль Актан Суюншалина. Гьеб театралда г1ахьаллъи гьабуна Дагъистаналъул миллиял театразул актераз, Татарстаналъул, Башкортостаналъул ва Ингушазул артистазги.

Жидерго аристал Москваялде рит1ун рач1ана Дагъистаналъул Ц1адаса Х1амзатил ц1аралда бугеб театралъул актеразги, лъараг1азул актеразги ва цогидазги.Бихаразул бук1ана бат1и бат1иял пикраби- бокьанин абулел ва бокьич1ел. Гьелъие къимат кьезе бокьарал балагьизе бегьула интернеталда бугеб гьеб мавлид — театралъухъ.

0

 

0

Балагье суратазул альбомалъухъги>>