Россиялъул Федерациялъул бусурбабазул Духовный Управлениялъ ва Москваялъул бусурбабазул Духовный Управлениялъ Крокус сити Холлалда т1обит1изе буго к1удияб «Мавлид ан-Наби».

29 январалъ щибаб соналъго г1адин гьеб к1удияб залалда т1обит1изе буго хирияв Мух1аммад Авараг к1одо гьавулеб мавлид. Мух1аммад авараг (стг1) — ккола бусурбабазул бищунго лъик1ав, VI г1асруялда г1умро гьабула вук1арав, ва жинца к1удияб наслу бусурбабазе тарав авараг.

Гьеб къоялъ бихьизабизе буго «Билараб васигат» абураб берцинго г1уц1араб театр. Залалда г1одорк1ине рес буго 6000 чиясул. Щибаб соналъ гьенир рак1арула г1емерал гьалбал ва бусурбаби. Театралда сапар бухьине буго истроиялъул нухалде Ибн-Фадланил, Салават Юлаевалъул, Мухлиса Бибиевалъул ва Муса Бигиевасул.

Аслияб роль х1азе буго театралда Марат Башаровас, Шамиль Хаматовас и Бибигуль Актан Суюншалиница. Гьенир х1азе руго миллиял театразул актерал-Татарстаналъул, Башкортостаналъул, Дагъистаналъул ва Ингушетиялъул.

Мавлид байбихьизе буго къасе анлъгоялда.