Дагъистаналда бищун кIудияб щагIил тIагIел гьабулеб бакI буго Балхар, гьез гьарула хъуби богорукъалъул тIагIалаби, лъималазе игрушкаби ва гь.ц.берцинащинал тIагIалаби.

НекIо заманаялдаса нахъего гьарулел рукIана Балхаралъ щагIил тIагIелаби, аслияб къагIидаялда гьел тIагIелал руччабаз гьарулел рукIана.
Балхаразул хIалтIулъ руго цойгиязул хIалтIудаса жиб хехго батIа бахъизе лъалеб жиндирго накъищ, гьезгIадал накъищал лъицаго гьаруларо.
Гьабураб тIагIел бежулаго, кьваризабулаго гьез хIалтIизабула цIимир, гьединлъидал гьел тIагIалабазул букIуна берцинаб кьер, хас гьабун гьаб кьерин абизе бегьулареб. Гьедин гьеб гьабиялъ Балхаразул щагIил тIагIел цIакъ бокьула.
Гьаб ахир заманалда рекъон, гьез гьаризе байбихьана, 30ялдаса цIикIкIун батIи-батIиял тIагIалаби. ГIемерисел гьарулел руго кIудиял хъабаби, лъим барччулел хъабаби, нах бахъулел хъабаби, гIака бечIчIулел ва гьумер чуризе хIалтIизарулел хъабаби. Гьединго гьез гIемер гьаризе байбихьана берцинлъиялъе рукъзал къачIазелъун хIалтIизарулел тIагIалаби.
Балхаралда гуребги Дагъистаналда Сулевкенталда ва Джули росдал гIадамацаги гьарула щагIил тIагIалаби. Гьезул тIагIалабазда рукIуна гъваридго рахъарал мухъал ва тIад рекIинабурал накъищал.
Гьезги гьарула чIахIиялги, гIисиналги хъуби, нах бахъулел ва щар чIвалел хъуби. Гьезул хIалтIабазул рукIуна мачIал ва гIурччиналде бачIарал кьерал.