ГьоцIалдерица гIарцул, пахьул ва мельхиоралъул тIагIалаби гьаризе байбихьаралдаса буго 150ялдасаги цIикIкIун сон. ХIХ гIасруялъул ахиралда магIарулай росасе унароан гьезул гIретI яги гулгунал гьечIого, тIад накъищ гьабурал. 1958 соналъ гьеб росулъ букIана гIуцIцIун художестеннияб комбинат.
Гьезул махщалчагIазда бажаризе ккола, маххулгун киналго хIалтIаби жидецаго гьаризе, махх биинабизе, гьелъул тIагIалаби гьаризе, накъищ бекIкIизе ва чIегIер гьабизе. Гьез гьарула кванил тIагIалаби, чагъир гьекъолел стакаби, берцинал хъуби, хIарччал, чIчIукIби ва руччабазул баргъич - кIилкIал.
МагIарулазул хIалтIулъ буго жидеего хасаб накъищ, жураб- накъищ, хъахIаб накъищ ва чIегIераб накъищ.
ГьацIалдерил устарзабаца жидерго хIалтIабалъ хIалтIизе гьарула гIемерго батIи - батIиял къагIидаби - чеканка, гравировка, чернь ва филигрань.
Гьузул росдал руго цIар рагIарал устарзаби М. Абакаров, М. ГIабдурахIманов, М.МухIудинов, Б. Гьимбатов, М. Джамалутдинов ва цойги гIемерал берци - берцинал тIагIалаби гьарулел устарал.
Гьел руго хIалтIаби «Берцинаб хIерчч», сервиз «ТIавус» (Б. Гьимбатовасул), «Декоративный хъаба» (М. Джамалутдиновасул).