1. МагIарулав - бусурман чи, исламалъул нухда живги вугев, ракI чIчIун жинда лъалев бищун кIудияб бечелъи- ТIадегIанав Аллагьас жиндие кьураб эркенлъи букIинги лъалев чи. МагIарул чияс киданиги къабихI гьавизе бегьуларо кинав вугониги чи, гьесул цойги батIияб дин батаниги, жиндиралда релъараб пикру гьесул батичIониги. Кинабго халкъ буго ТIадегIанас бижараб.
2. МагIарулас кидаго жаваб кьезе ккола жинца гьабурабщиналъул ва жиндир хъизан- лъималазул. Кьураб рагIи киданиги хвезебизеги бегьуларо.
3. МагIаруласда лъазе ккола жиндирго халкъалъул тарих ва лъазабизе ккола халкъиял церехъабазул, ай бахIарзазул хIакъалъулъ бугеб тарих. Гьелъ гьесие кьола къвакIиги, захIматаб параялда хIинкъи гьечIолъиги.
4. МагIаруласда лъазе ккола жиндирго халкъалъул мацI, тарих ва гIадатал.
5.МагIарулав жиндаго тIад кидаго хIалтIизе ккола, лъаялъул ва сахлъи щула гьабиялъул рахъалъ. Гьесдаса гIагарлъи, тухум нечеларедухъ.
6. МагIаруласда лъала ва ракIалда букIине ккола жиндирго тухумалъул тарих. Адаб- хIурматгун кIалъазе лъазе ккола кIудиясдехун, умумуздехун, жиндие гIумру кьурал.
7. МагIарулав кIодолъуларо бечелъиялдалъун, гьев кIодолъула бихьинчилъиялдалъун, къвакIиялдалъун ва ритIухълъиялдалъун.
8. МагIаруласда лъазе ккола ва ракIалда букIине ккола лъикIлъиялъулги, квешлъиялъулги ахир букIине бегьулеблъи.
9. МагIаруласда бажаризе ккола хабар бицунесухъ гIенеккизе, дагьаб хабар бицун чIчIезе, чIухIдаричIого: лъазе ккола гьаб дунялалда чанги жиндаса гIакълу цIикIкIарал чагIиги ругеллъи.
10. МагIарулав къваригIел гьечIел тунка гIусиязде гъорлъе лъугьине бегьуларо. ГIакълу гьечIев чигунги къацандун, цIодорлъулареблъиги лъазе ккола, цIодорасухъин абуни гIенеккизеги лъазе ккола.
11. МагIаруласда кваналагоги, гьекъолагоги гIорхъи лъазе ккола кив вугониги. Гьесда лъазе ккола гIемер кванайги мунагь букIин.
12.МагIаруласда ракI чIун лъазе ккола : адаб -хIурмат бичун босе щолареблъи, гьелъие мустахIикъав вукIине ккола щияб къоялъ, цо гьитIинаб гъалатIалъ чи гIумруялъго гIодовегIанлъулевлъиги лъазе ккола.
13. МагIаруласда ракI чIчIун лъазе ккола жиндирго гьудулзабиги, тушманалги. Гьудулзабазул къимат гьабизеги ккола.
14. МагIарулав кидаго витIухъавлъун вукIине ккола, къуват бугониги, гьечIониги.
15. МагIаруласда лъазе ккола, жиндихъе вачIарав гьобол- гьудул цIунизе. Гьесие хIажатабщинаб чIчIезабизеги, тIалаб -агъаз гьабизеги.
16. МагIарулалдаги лъазе ккола, очахъги, рукъги, ретIа-къаялъул рахъ лъикI букIинаби гьелда тIадаб букIинги.
17. МагIарулав тIаде-гъоркье хьвадизе ккола гIага-божаразухъе. Хваразул хабаде инеги лъазе ккола.
18. МагIарулай-кидаго йикIине ккола ракI бацIцIадго, мутIигIайлъун ва хIалимайлъун.
19. МагIарулас лъиениги ихтияр кьезе бегьуларо жиндир хъизан- лъималазде рагIи абизе, цIунизе ккола гьезул рахъ ва гьезда гIайиб ккезе тезе бегьуларо.
20. МагIаруласда бажаризе ккола бицунеб хабаралда гIахьаллъи гьабизеги, жиндирго пикру загьир гьабизеги, махсаро-хочI бичIчIинеги, гьелда гъорлъ гIахьаллъизеги.

muhamedavar