Къецазда гIахьаллъи гьабуна улкаялъул 31 регионалдаса 140 спортсменкаялъ. 10 цIайиялъул категориялда кIиго къоялъ ясал гугарана чемпионаталъул медалазе ва Россиялъул тIасабищараб командаялда гъорлъ халкъазда гьоркьосел къецазда гIахьаллъиялъе рес щвеяъе гIоло. 52 килограмм цIайиялда гIарцул медаль щвана Хасавюрталдаса гугарухъан Екатерина Вербинае. 56 килограмм цIайиялда мазгарул медалалъе мустахIикълъана МахIачхъалаялдаса Жамиля Бамматоваги, хъвалеб буго "ХIакъикъат" казияталда.

Вербинал тренер ккола ХIамзат ГIабасов, Бамматовалъул — Россиялъул мустахIикъав тренер Къасум Насрудинов. Спортсменкабазул ресал руго исана Европаялъул къецазда гIахьаллъизе Россиялъул тIасабищараб командаялда гъорлъе ккезе. БетIералда Алена Карташевагун гугариялъул миллияб командаялъул тренеразулаб штабалъ Россиялъул тIасабищараб командаялда гъорлъ щал рукIине ругелали бицине буго май моцIалда Подмосковьеялда тIоритIизе ругел цIалулгун тренировкабазулал ракIаризул хIасилазда рекъон.

14-16 апрелалда Южно-Сахалинскалда кадетазда гьоркьор эркенаб гугариялъул рахъалъ тIоритIарал Россиялъул къецазда гIахьаллъарал Дагъистаналдаса гугарухъаби Екатерина Вербина ва Жамиля Бамматова тIадруссана медалалгун.