Бугленалда тIобитIана боксалъул рахъалъ гIолилазда гьоркьосеб Дагъистаналъул чемпионат. 200-ялдасаги цIикIкIун спортсмен гIахьаллъана Буйнакск районалъул Буглен росулъ тIобитIараб боксалъул рахъалъ гIолилазда гьоркьосеб Дагъистаналъул чемпионаталда. Командабазда гьоркьоб махIачхъалаялъулаз ва каспийскалъулаз ккуна тIоцебесеб ва кIиабилеб бакIал.

Боксалъул рахъалъ Дагъистаналъул чемпионаллъун рахъана ва апрелалда букIине бугеб СКФОялъул къецазда гIахьаллъизе рес щвана Зайнудин Рабадановасе (35,5 кг), Мурад ХIайбулаевасе (37 кг), ГIалим Шамшидиновасе (38,5 кг), Иордан АхIмадовасе (40 кг), Юсуп МухIамадовасе (41,5 кг), Арсен Къурбановасе (43 кг), ГIалихан АхIмадовасе (44,5), Рашид ГIалиевасе (46 кг), Багьавудин МухIамадзапировасе (48 кг), Закари ЖабрагIиловасе (50 кг), МухIамад ГIусмановасе (52 кг), ГIалихан Янгизбиевасе (54 кг), ХасмухIамад Жаватхановасе (56 кг), ГIимран Дадаевасе (59 кг), Керим Ибрагьимовасе (62 кг), МухIамадгIали Сефирбеговасе (65 кг), ГIизраил СултIанмурадовасе (68 кг), Рабадан Нуцалхановасе (72 кг), Муслим СултIановасе (76 кг), АхIмад ХIажимухIамадовасе (+76 кг).