Футболалъул рахъалъ Россиялъул премьер-лигаялъул 19-абилеб туралда МахIачхъалаялъул "Анжи" Москваялда дандчIвана "Спартак" командагун.

ХIай букIана хIалуцараб, ва тIоцебесеб таймалда нилъер командаялъул рахъалдасан дандиязул кавабазе хIинкъи бугел гьужумал цIикIкIунцин рукIана. Чанго нухалъ рес букIана гол кьабизе. Амма "Анжиялъул" гьужумалъулазул махщел гIечIо торгIо кавабахъе ккезабизе. Гьелъул гIаксалда, жидерго букIараб ресги хIалтIизабун, 67-абилеб минуталда "Спартакалъ" "анжиялъулал" къварид гьарунаян хъвалеб буго "Х1акъикъат" казияталда.

Гьелдаса хадубги гIезегIан хIаракат бахъулеб букIана "Анжиялъ" хIасил бащад гьабизе, амма бажаричIо. ХIай лъугIана 1:0 хIисабгун.
Турниралъул таблица

1. Спартак44
2. Зенит36
3. ЦСКА36
11. Анжи20

Олимпиялъул гIарцулав призер къезавуна
Турциялда тIобитIараб эркенаб гугариялъул рахъалъ халкъазда гьоркьосеб турниралда гIахьаллъана Дагъистаналъул руччабазул ва бихьиназул тIасарищарал командаби. Турниралъул тIоцебесеб къоялъ 70 кг цIайиялда бихьиназда ва 48 кг цIайиялда руччабазда гьоркьор рукIана къецал. КIиябго цIайиялда чIел босана дагъистанияз, ай бихьиназда гьоркьов чемпионлъун вахъана МахIачхъалаялдаса МухIамадхIабиб КъадимухIамадов, руччабазда гьоркьоб меседил медалалъе мустахIикълъана Милана Дадашева.

Хадусеб къоялъ, 86 кг цIайиялда дандиязда тIад михирги бачун, Яшар Догъул мемориалалъул чемпионлъун вахъана Даурен Куруглиев. Финалалда гьев бергьана 2016 соналъул Олимпиялъул хIаязул финалист, Турциялдаса Селим Яшаридаса. Дагъистаналъул командаялъул речIчIухъабазе турниралда гьединго щвана мазгарул медалалги. Гьезие мустахIикълъана Заур Угуев (57 кг), МухIамадрасул ГъазимухIамадов (70 кг), Халил Аминов (74 кг). Мазгарул медаль щвана Турциялъул байрахъалда гъоркь цеве вахъунев дагъистаниясе.