10 декабралда Америкаялъул Олбани шагьаралда тIобитIараб Fight Nght 102 абураб UFCялъул турниралда журарал единоборствабазул рахъалъ Дагъистаналдаса речIчIухъан Шамил "Абрек" ГIабдурахIимовасухъа американав Деррик Льюисилгун дандчIвай лъугIизегIан речIчIун бажаричIо кверазе сакъатлъи ккеялда бан.

ТIоцебесеб раундалда ГIабдурахIимовасул квегIаб квералъе сакъатлъи ккана. Квер унтулеб букIаниги, речIчIиялъулъ тIоцебесеб кIиго раундалда судьябазул хъвай-хъвагIаялда рекъон 10-9 хIисабгун гьесул тIокIлъи букIана.

Лъабабилеб раундалда Льюисилгун Шамилил хIасил бащадаб ккана. Гьениб дагъистаниясул кваранаб квералъеги сакъатлъи ккана ва кIиябго квер унтарав Шамилихъа бажаричIо американасде данде гугариялъул техника хIалтIизабизе. Гьединлъидал судьяяс дандчIвай гьоркьоб къотIизабуна. Гьелдаса хадуб Шамил больницаялде вачана. Гьениб халгьабидал гьесул квегIаб квералъул кIудияб килищ ва кваранаб сологIучI бекун батана.

"ТIоцебесеб раунд лъугIун хадуб Шамилица дида абуна квегIаб квер цIакъго унтулеб бугилан. Дица абуна унтаниги яхI гьабейин ва дандчIвай лъугIизегIан вагъизе кколин. Дир ракIчIей букIана Шамил бергьине вукIиналда", — ян бицана спортсменасул тренер Атай Жамбулатовас.
ГIабдурахIимовас бицана лъабабилеб раундалда вагъулаго сологIучI квешго унтизе байбихьанилан.

"Кин букIаниги гьеб раунд лъугIизегIан дун вагъана. Ункъабилеб раундалда унти цIакъго цIикIкIана ва раунд лъугIизегIан вагъун дихъа бажаричIо", — ян бицана Шамилица.

БакIаб цIайиялъул речIчIухъан Шамилие гьанже операция гьабизе ккола ва кIиго моцIгIан заман хIажалъула рукIалиде вачIине.

ГIабдурахIимовас журарал единоборствабазул профессионалиял рагъазулъ гIахьаллъи гьабулеб буго 2008 соналдаса нахъе.

КъотIи-къаялда рекъон UFC гIуцIиялда Шамилил букIине ккола жеги кIиго речIчIи. Гьев ккола ушу-саньдаялъул рахъалъ Россиялъул щуцIул чемпион. ММАялъул рахъалъ дунялалъул рейтингалда Шамил вуго бакIаб цIайиялъул спортсменазул бищунго къуватал 50-язул кьеразулъ. Профессионалияб рингалда Шамилил букIана 21 рагъ, гьезул 17-ялда бергьана, анкьгоялда — нокауталде д