"МухIаммад авараг (с.гI.в.) — ТIадегIанасул илчи" абураб фильм бихьизабизе буго 18 ноябралдаса байбихьун МахIачхъалаялъул кинотеатразда. Фильм бахъун буго Ираналдаса режиссер Маджид Маджидица. Анкьго соналъ тIадги хIалтIун фильм бахъулаго харж гьабун буго 50 миллион доллар. Актеразул хIаялъухъ, режиссерасул хIалтIухъ балагьун гьеб Голливудалъул бищун лъикIаб фильмалъул даражаялде бахараб бугин рикIкIунеб буго экспертаз. Лъабго сагIаталъ халатбахъараб фильмалда бихьизабулеб буго КагIбаялде Абрагьил аскар кIанцIиялъул, МухIаммад авараг (с.гI.в.) гьавиялъул ва 12 сон базегIан гьесул гIумруялъул хIакъалъулъ. Амма МухIаммад аварагасул (с.гI.в.) мугъ гурони бихьизабун гьечIо. ГьабсагIатин абуни жеги бахъулеб буго кIиабилеб ва лъабабилеб бутIаги.
ПатIимат СултIанмухIамадова