ФАДНалъул коллегиялъул заседаниялда Игорь Бариновас цере рахъана 20I6 соналъ гьарурал цIех — рехазул хIасилал.

Гьелда рекъон гьаб ахираб заманалда миллатазда гьоркьоб букIараб жахIда, рокьукълъи дагьанин абулеб буго.

«Жакъа 93% Россиялда ругел халкъаз абулеб буго жидедехун рокьукълъи гьечIин миллаталде балагьун. ГIицIго 5% гIумро гьаниб гьабулез абулеб буго жидедхен рокьукълъи лъазабулин, жал батIияб мухъалъул рукIиналда бан. Гьединго 4% россияназ абунила жидеда динияб дандеккунгутIи сабалъун рокьукълъи лъазабунин. Гьаб ахираб заманалда гьел руго бищун лъикIал хIасилал», — ян абуна Бариновас.

Леокадия Дробижевалъ, жийги кколей директор Центра социологии межэтнических отношений Института социологии РАН, абуна гьеб ФАДНалъ Россиялда тIобитIараб цIех — рех битIараб ва гIемерал чагIазда цIехараб бугин.

«Гьел битIун гьарурал цIех рехаз нилъее кумек гьабизе буго цIиял хIукмаби къотIулеб мехалъ»- ян тIаде жубана Дробижевалъ.

Гьелъ гьединго абуна 75% нилъер россияназда бичIчIулеб бугила жал цойги миллатаздаса батIиял гьечIолъи ва гъункун рукIине кколеллъи. Гьединаб гIаммаб пикруялде халкъ бачIанила гьанжего гьанже советияб заманалдаса хадуб.

Ниж рохарал ругила заман анагIан, гьел хIасилал лъикIлъиялъ ва рорхулел рукIиналъ.
Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун