«ГIурусазул майдан» фестивалалда рищана бищун лъикIал. Гьенире ракIарун рукIана тIолабго Россиялъул 54 регионаздаса къокъаби. КIудияб кIвар цIикIкIараб байрам гьабуна гьаб субботаялъ 250 чиги вакIарун.

«Гьеб фестивалалъ бихьизабула гIурусазул культура, рукIа — рахъин, нижер ракI рагьи, — ян абуна митрополит Истринский Арсенийица, ТIоцевесев викарий Патриархасул Москваялъул ва тIолабго Русалъул.- НекIоялдасаго нахъе нилъер халкъалъ ургъулаан кучIдул, тIолго дунял хIайран гьарулел. Цо — цо нилъ уна классикаялдаса батIа тIун. Гьеб батила нилъер гIаламат. Фестивалалде рачIарал 54 регионалъул чагIаз цадахъ бачIана жидерго хаслъабигун хIадурарал церерахъин. Гьелъ нилъер байрам жеги бечед гьабуна».

««ГIурусазул майдан» фестивалалда цере рахъана лъималазул хорал, чIахIиязул хорал, кIудияб оркестр. Кинабго букIана цIакъго берцин ва рачIаралщинал разилъиледухъ. Гьанире рачIун ругелщинал чияз бихьизабула гьаб данделъиялде кьун бугеб кIваралъулги, къиматалъулги, — ян абуна «Калинов мост» группаялъул Дмитрий Ревякиница. — Гьаб фестивалалда ниж цере рахъунел руго Новосибирский областалъул рахъги ккун. Дица тIоцебе ахIана кечI хоргун цадахъ, гьебги цIакъ берцин лъугьана. Дун разиго хутIана гьаб киналдасаго».

© Оргкомитет фестиваля «Русское поле»
Лучшими на «Русском поле-2017» стали Ярославская, Белгородская, Курская области, Алтайский край и Татарстан

Балагьизе рачIаразул приз щвана «Зоренькалъе» Белгородский областалъул. Бищун лъикIаб кьурдул коллективлъун рикIкIана «Агидель» Татарстаналдаса. Фольклорный коллективазда гьоркьоса кIудияб къимат кьуна «Серебряналъе» Алтайский краялдаса ва фольклорияб ансамбль «Ларец» Курский областалдаса.

 

Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун