ХинкIал гьаризе хIажалъула: гIатIае: ханжу – 1кг, ханал – кIиго-лъабго жо, лъим – 450 мл, цIам – 1 чIикIва гьитIинаб. ХIадур гьабила мичIчI – 2 кг, халта – 1 кг, гIурччинаб пер – 300 г, сливочный нах – 200 г, цIам, перец тIагIам бачIинедухъ.

ХинкIал гьарулел къагIида: ханжу цIалкIила, цIамги бан гьабила гIатI цодагьаб къвакIарабгIадаб, тIад жоги бан тела 10 – 15 минуталъ. Цойги нухалъ кIкIвазеги кIкIвала гьеб гIатI цIвакун лъугIизегIан.

ХинкIал гьаризе мичIчI хIадур гьабила. Нахул бакIалда тIагIамалъе мох – мох бугони гьуин букIуна. Гьеб бежила гIисинги гьабун буссараб пергун. Гьелда тIаде жубала гIиссин гьабун буссараб мичIчIги, халтаги. Хьагинибеги бан гьеб кинабго бежараб пергун дагьаб цIаги гьабун, цIеда тIад цо 20 минуталъ хIеккине лъела, зама – заманаялдасан багъарулаго.

ГIатI гурила тIеренаб хъалг1адин  лъугьинегIан, гьеб тIерен гирарабгIан хинкIал гьуинал рукIуна. Гьелъул гьарила гургинаб форма, гIемерисез стаканалъ къотIула гIатI. ХинкIал руцIцIуна, жаниб хIадурараб начинкаги лъун, гьитIинаб чIчIикIва цIечIеб жо лъела щибалда жаниб.

Гьарун лъугIидал, гьел рала гьалараб цIам жубараб лъелъе. Релъинарила

Гьел хинкIал кваназе лъикIал руго тIорахьалда цадахъ, цо - цоязе гьел рокьула ражи-переги гьабун.