КIудияб праздник гьабизе ракIалда ккун буго Москва шагьаралъул Поколнный мегIер абураб берцинаб гIадамал ракIарулеб паркалда. «Москваялъул халкъал» фестивалаль гьабизе буго «Сардилаб Москваялъ» ва миллатазул политикаялъул Департаменталъ.

«Москваялъул халкъал» абураб фестиваль букIине буго ихтилат кеп цIикIкIараблъун. Шагьаралда ругел батIи батIиял миллатаз рихьизаризе руго жидерго бищун лъикIалщинал кьурдаби, ахIизе руго кучIдул ва бицине буго жидерго миллияб культураялъул бечелъиялъул хIакъалъулъ. Исанасеб фестиваль ккола щуабилеб нухалъ тIобитIулеблъун.
Гьединал праздниказ рес кьола жидерго гуреб цойги культураялъул къимат гьабизе ва гьеб бичIчIинабизе.
Гьеб фестивалалда гIахьаллъи гьабизе буго Армениялъ, Грузиялъ, Азербайджаналъ, ва гьединго Россиялъул регионаз: Осетия, Тыва, Дагъистан, Чукотка, Татарстан, Мордовия, Карелия ва цогидалги.

Гьенир рукIине руго тахшагьаралда ругел диаспорабазул нухмалъулел ва гIемерал цIар рагIарал политикал. Москваялъул миллияб Департаменталъул рахъалдасан гьенив вукIине вуго Виталий Сучков ва СМИялъул руководитель Иван Шубин.

Фестиваль «Москваялъул халкъал» байбихьизе буго 26 августалъул къаде цо тIубараб заманалда.

© РИА Новости, М. Богодвид
Русский фольклорный фестиваль стартует в Татарстане

Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун