ДРялъул бетIер Рамазан ГIабдулатIипов гIахьаллъана Петербургалда тIобитIараб халкъазда гьоркьосеб экономикияб форумалда.
Гьеб форум рагьулаго, Санкт-Петербургалъул губернатор Георгий Полтавченкоца абуна:
— Ахирал соназда кIудияб хиса-баси ккана дунялалъулго экономикаялда. Гьел хиса-басияз нилъедасаги жавабчилъи тIалаб гьабулеб буго. Исана форум къоло цоабилеб нухалда тIобитIулеб буго Петербургалда. Жакъасеб данделъиялда нилъеца ралагьизе ккола экономика цебебачиналъе цIиял нухал, — илан хъвалеб буго "ХIакъикъат" казияталда.
Форумалда бицана Каспийскалъул хIакъалъулъги, ай социалиябгун экономикияб рахъ, инфраструктура ва инвестициял церетIолел ругеб шагьар хIисабалда.

Гьединго Рамазан ГIабдулатIипов гIахьаллъана форумалъул пленарияб данделъиялдаги. Гьениб къватIисел улкабаздаса рачIарал гьалбадеридехун гьабураб жиндирго кIалъаялда Россиялъул президент Владимир Путиница абуна:
— Нижеца къимат гьабула жакъа Россиялдехун бугеб нужер бербалагьиялъул. ХIадурал руго цадахъ рекъон хIалтIи гьабизе. Гьелъ кьезе руго лъикIал хIасилалги, хасго дунялалъулго экономика цебетIезабиялъе, социалиял суалал тIуразариялъе, терроризмалде данде къеркьеялъе.

Гьеб данделъиялда гIахьаллъана Индиялъул премьер-министр Нарендра Модиги, Австриялъул федералияв канцлер Кристиан Кернги, Молдавиялъул президент Игорь Додонги, батIи-батIиял улкабаздаса бизнесменалги.

Форумалда Дагъистаналъул бетIерасги "Издательство "Просвещение" АОялъул президент Владимир Узуницаги Дагъистаналда лъайкьеялъул даража борхизабиялъул къотIи-къаялда гъолбасал гьаруна. Рамазан ГIабдулатIиповас бицана республикаялда ЕГЭ тIобитIиялъулъ ккарал лъикIал хиса-басиязул, лъайкьей цебетIеялъе хIадурун бугеб 11 проекталъул хIакъалъулъ.
Гьелдаса хадуб, ДРялъул бетIер дандчIвана Санкт-Петербургалда гIумру гьабун ругел дагъистаниялгунги.
ДандчIваялда гIахьаллъарав Россиялъул культураялъул хIалтIухъабазул союзалъул председатель Анатолий Константиновас абуна пачалихъияб культурияб программа гIумруялде бахъинабиялъул хIасилал гьарулаго, Пачалихъияб Думаялда бищунго лъикIаблъун Дагъистан рикIкIанилан.
ДандчIваялда Рамазан ГIабдулатIиповас Россия ва Дагъистан церетIезариялъе гьабулеб бугеб хIалтIулъ кIудияб бутIа лъурал ракьцоязе шапакъаталги кьуна.


Форумалда бицана Каспийскалъул хIакъалъулъги

Гьеб форум рагьулаго, Санкт-Петербургалъул губернатор Георгий Полтавченкоца абуна:
— Ахирал соназда кIудияб хиса-баси ккана дунялалъулго экономикаялда. Гьел хиса-басияз нилъедасаги жавабчилъи тIалаб гьабулеб буго. Исана форум къоло цоабилеб нухалда тIобитIулеб буго Петербургалда. Жакъасеб данделъиялда нилъеца ралагьизе ккола экономика цебебачиналъе цIиял нухал, — илан.

Форумалда бицана Каспийскалъул хIакъалъулъги, ай социалиябгун экономикияб рахъ, инфраструктура ва инвестициял церетIолел ругеб шагьар хIисабалда.
Гьединго Рамазан ГIабдулатIипов гIахьаллъана форумалъул пленарияб данделъиялдаги. Гьениб къватIисел улкабаздаса рачIарал гьалбадеридехун гьабураб жиндирго кIалъаялда Россиялъул президент Владимир Путиница абуна:
— Нижеца къимат гьабула жакъа Россиялдехун бугеб нужер бербалагьиялъул. ХIадурал руго цадахъ рекъон хIалтIи гьабизе. Гьелъ кьезе руго лъикIал хIасилалги, хасго дунялалъулго экономика цебетIезабиялъе, социалиял суалал тIуразариялъе, терроризмалде данде къеркьеялъе.
Гьеб данделъиялда гIахьаллъана Индиялъул премьер-министр Нарендра Модиги, Австриялъул федералияв канцлер Кристиан Кернги, Молдавиялъул президент Игорь Додонги, батIи-батIиял улкабаздаса бизнесменалги.

Форумалда Дагъистаналъул бетIерасги "Издательство "Просвещение" АОялъул президент Владимир Узуницаги Дагъистаналда лъайкьеялъул даража борхизабиялъул къотIи-къаялда гъолбасал гьаруна. Рамазан ГIабдулатIиповас бицана республикаялда ЕГЭ тIобитIиялъулъ ккарал лъикIал хиса-басиязул, лъайкьей цебетIеялъе хIадурун бугеб 11 проекталъул хIакъалъулъ.

Гьелдаса хадуб, ДРялъул бетIер дандчIвана Санкт-Петербургалда гIумру гьабун ругел дагъистаниялгунги.
ДандчIваялда гIахьаллъарав Россиялъул культураялъул хIалтIухъабазул союзалъул председатель Анатолий Константиновас абуна пачалихъияб культурияб программа гIумруялде бахъинабиялъул хIасилал гьарулаго, Пачалихъияб Думаялда бищунго лъикIаблъун Дагъистан рикIкIанилан.

ДандчIваялда Рамазан ГIабдулатIиповас Россия ва Дагъистан церетIезариялъе гьабулеб бугеб хIалтIулъ кIудияб бутIа лъурал ракьцоязе шапакъаталги кьуна.