Общественниказ гIуцIцIараб Евразиялъул халкъазул Ассамблеялъул тIоцебесеб съездалъул рахъ ккуна Российский Федерациялъул хъулухъ тIобалел идарабазги. Гьеб съезд тIобитIизе буго 2017 соналъул 27-29 маялда. Гьелъул хIакъклъулъ бицунеб букIана пресс-конференциялъул гIахьалчагIаз МИА «Жакъасеб Россия» мультимединияб залалда.

3 апрелялде щвезегIан жидерго тIоцебесеб съездалда гIахьаллъизе бугеб хьулалъул хIакъалъулъ кагътал ритIун рачIана 40 къватIисеб хIукуматалъул гIадамазги.
Россотрудничествалъул Ольга Евкоялъ абуна гьеб инициативаялде кIудияб интерес загьир гьабунили къватIисеб хIукуматалъул идарабаз.
«Щибаб соналъ Россиялъул мухъалда тIоритIула гIемерал мероприятиял, жалги хурхарал евразиялъул интеграциялъул суалазда ва цоцазе гуманитарияб кумек гьабиялъул суалазда. Амма жакъа къоялде щвезегIан лъицаго жижедаго цере лъун рукIинчIо суалал ассанблея гIуцIцIизе», — ян абуна Евкоялъ журналистазде.

Светлана Смирновалъ жийги кколей — Председатель рабочей группы международного оргкомитета по подготовке и проведению первого съезда Ассамблеи народов Евразии, председатель совета общероссийской общественной организации «Ассамблея народов России» лъазабуна гъоркьиса соналъул ахиралда, Россиялъул ва Евразиялъул халкъалъул форумалда хIукму ккана гIуцIцIизе цIияб дунялалъул халкъазда гьоркьосеб «Евразиялъул халкъазул Ассанблея» гьенибго къотIи ккана 27-29 маялъ Москваялда тIобитIизе гьеб съезд.
Гьелъ гьединго бицана ункъго соналъ хIаракат бахъулеб букIанила жидеца гьединаб гIуцIцIи данде гьабизе.
Евразиялъул халкъазул Ассанблея учредить гьабизе бугила 2017 соналъул 27 маялъ.
Гьеб Ассоциациялде гъорлъе лъугьине рес буго международный общественный движениялъул гIхьалчагIи, пачалихъияб гуреб организациялъул чагIи ва лидерал, жидеца евразия цолъиялъул пикру къабул гьабулеб бугони ва дунялалда рекъел тIобитIиялъе гIоло ва вацлъи рагIинабиялда жал рази ругониги.

Ильдар Гильмутдиновас, РФ ялъул Государственный Думаялъул комитеталъул председателасги лъазабуна, Казахстаналъул ва жеги 12 пачалихъалъ лъазабунила гьеб ассамблеялда гIахьалъи гьабилин.
Гьеб съезд тIобитIиялъул пикруялъул рахъ ккунила Москваялъул правительствоялъги. Гьеб пресс — конференциялда жидерго пикру загьир гьабун кIалъана Москваялъул департаменталъул нухмалъулесул заместитель Иван Петровги.

«Москва ккола миллатазда гьоркьоб рекъел цIуниялъул рахъ кколеб, ва гьединго халкъал цолъиялде ахIулел, ва кидаго миллатазда гьоркьоблъи цIунизелъун гьарулел мероприятиязда гIахьаллъи гьабулеллъун. Гьединлъидал нижеца хIукму гьабуна, гьеб съезд тIобитIулаго бажарараб кумек гьабизе, гьелда хурхун нижер Департаменталда жакъа къоялде щвезегIанги гьаруна чанго данделъаби. Нижер эксперталги хIадурал руго къваригIараб кумек гьабизе гьеб ассамблеялъе», — абуна гьесги.


Гьаб къват1ибе биччаялъе квербакъана Москва шагьаралъул рекламаялъул ва информациял алатазул департаменталъул х1аракаталдалъун