ВДНХаялда 1 апрелалъ тIобитIана Ихдалил байрам — Навруз. Гьенир ракIарун рукIана пачалихъалъул батIи — батIиял хIакимзаби, къватIисел пачалихъазул послаби, Постпредствоялъул хIалтIухъаби, миллиял гъункабазул представителал ва гIемерал цогидалги.

Байрам кIодо гьабун ВДНХ ялде рачIана москвичал ва гьалбал къаде заман щвелалдего. 75 павильоналда жанир ракIарун рукIана гIемерал россиялъул ва къватIисел пачалихъазул миллатазул представителал. Щиваз цебе лъун букIана жидерго культураялъул бицунел тIагIелаби. Цересел сонзго гIадин гьеб выставка бичи — хисиялда гIахьаллъи гьабуна Дагъистаналъул устIарзабазул гIарцул, цIулал, кизляралъул щулиял нусазул, хунжрузул ва хьухьун гьарурал щватабазул устарзабазул тIагалаби лъураб бечедаб ва берцинаб Герман Мамедяровас ва Фатима Гаммадовалъ гIуцIараб выставкаги.

Фатима Гаммадовалъ жидерго инсуца бакIаризе байбихьараб кIудияб ратIлил коллекция, гьеб къоялъ кьун рукIана ретIизе гIолилалзул Ассоциациялъ гIуцIцIараб «Горянкабазул горсверуда» абураб къокъаялъухъе. ТIогьол квацIигIанги берцин рукIана гьел умумузул ретIел ретIарал ясал. Киналго аскIоре рачIунел рукIана гьезде аскIоре, цIехолеб букIана киса — щалилан ва гIажаиблъулел рукIана ратIлил берцинлъи бихьун. Гьез абулеб букIана ясада цIакъ рекъон бугин берцинаб ретIел ва кIазал. Гьезулгун гIемерисез рахъулел рукIана ракIалде щвеялъе суртал. Миллиял ретIел ретIи гурониги ясал кьурдизеги кьурдан.

Хадуб залалда жаниб байбихьана россиялъул ва цойги хIукуматазул артистаз гIахьаллъи гьабураб концерт. Гьенибги кечI ахIизе Дагъистаналдаса рачIун рукIана «Горцы» абураб квартетги, кьурдулеб ансамблялъул къукъа «самурги».

ГIемерал батIи батIиял халкъазул церерахъинал рукIана гьеб къоялъ. Гьебго заманалда къватIиб белъунеб букIана таджиказул, азербайджаназул ва гь.ц повараз пловги. Бергьаразе кьуна премиябиги сайигъаталги.
Байрам халат бахъана къасе нахъалъизегIан, рачIарал гьалбазе рокъоре инецин бокьун гьечIин кколеб букIана.

Навруз Байрамалда рахъарал суртазухъ балагье>>

Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун