Игорь Бариновас лъазабуна мацIал цIуниялъе гIоло хIалтIулезе премия кьезе бугин «КьучIчIилаб рагIи» абураб.

ФАДНалъул руководитель Игорь Бариновас жакъа лъазабуна мацIал цIуниялъе гIоло хIалтIулезе кьезе бугин «КьучIчIилаб рагIи» абураб ТIолгороссиялъул премия.
«Гьеб премия кьезе къотIи гьабуна нилъер Россиялда ругел гIемерал мацIал цIуниялъе шартIал ургъизелъун. Нилъер руго киналниги 193 батIи — батIияб миллаталъул чагIи, ва гьел кIалъала 300 ялдасаги цIикIкIун мацIазда ва диалектазда. Нижее бокьун буго гьеб премия кьезе мацI цIуниялда тIад хIалтIаразеги, гьелъие квербакъаразеги, ва гьединго мацIал кIоченчIего рукIиналъе кIудияб кIвар кьуразеги. Гьел суалал нижеца рикIкIуна аслияллъун миллатазда гьоркьоблъи цIунизелъун кIочене тезе бегьулареллъун», — ян абуна Игорь Бариновас.

ЧIезарун руго гьел премиязул анлъго номинация: «Бищун лъикIаб мультимедийный проект», «ЛъикIаб издательствоялъул проект», «ЛъикIаб гIелмияб проект», «Бищун лъикIаб социалияб инициатива», «Россиялъул мацIал къватIисел хIукуматазда» ва хасаб премия «ТIасабищараб хIалтIиялъухъ».

Гьал къояз гIуцIулеб буго премиялъул Экспертный советги. Гьенире ахIун руго дунялалдаго цIар рагIарал гIалимчагIи ва халкъалъ тIаса рищаралги.

Конкурсалде заявкаби къабул гьаризе руго 15 маялде щвезегIан. Июналъ III Ливадийский форумалдабургьаразе кьезе руго мустахIикъал премиялги.