Букъун хьвадулеб гамил гамихъаби ва морякал ракIалдещвезариялъул тадбир тIобитIана Москваялъул Поклонияб магIарда.

19 марталъ букъун хьвадулеб гамил гамихъаби ва морякал ракIалдещвезариялъул тадбир тIобитIана Москваялъул Поклонияб магIарда, гьеб тадбир КIудияб ВатIанияб рагъул бицуенеб музеялда жаниб. Гьеб къоялъ хас гьабун бицунеб букIана Дагъистаналдаса БахIарчи МухIамад ХIажиевасул хIакъалъулъ. Гьев кIодо гьавизелъун гIуцIун буго ТIолабго дунялалъул гIарцулаб кумекалъул фонд. Гьаб, 2017 соналъ тIобала 110 сон Гъуниб районалъул Мегьеб росдал гамихъан гьавуралдаса. Гьев вукIана командирлъун ралъдалъ букъун хьвадулеб гамил БагIараб байрахъалъул гамида. Гьесул цIар кьун буго Мурманск мухъалъул шагьаралде — ХIажиево абураб.

ГIемерал батIи — батIиял пачалихъазул представителал рачIун рукIана Москваялде гьев ракIалде щвей кIодо гьабизе. Россиялъул БахIарчагIи, Белоруссиялдаса, Краснодарскиялдаса, Можайскалдаса, Подольскалдаса, Геленджикалдаса, Дагъистаналдаса, Общественный палаталъул хъулухъчагIи, гьединго «Тайфуналъул» ва «Морское братство нерушимо» абураб цолъиялъул ва гь. ц батIи батIиял бакIаздаса чи ракIарун рукIана гьенире.
Гьеб кинабго бахъана I4 белорусскиялъул ва россиялъул батIи батIиял телеканалаз.

Журналистка, представительница «РДВ» Патимат Расулова задала одному из инициаторов мероприятия и ведущему программы, а также одному из основателей движения «Гаджиевцы», заместителю руководителя всероссийской общественной организации морских пехотинцев «Тайфуналъул» цевехъан Арсений Крицкияс бицана нижеда «ХIажиевцал» абураб гIуцIцIи гьабиялъулги, гьез гьабулеб хIалтIулги. Гьадинал тадбирал жидеца гьарулила 20I3 соналдаса нахъего. Щибаб соналъ жидер кьерде цIия- цIиял гIолилал рачIулинги абуна гьес. Гьелъие квербакъараллъун кколила Международный фонд памяти Героя Советского Союза Магомеда Гаджиева — Ильясов Къурбан Ибрагьимович ва гIемерал цогидал.

Арсений Крицкияс абуна хадусеб гьадинаб ракIалдещвей букIине бугила «ХIажиевцазул» Пинск шагьаралда Беларусь Республикалда, хадуб Краснодарский мухъалъул Геленджикалда.

Балагье фотоальбомалъухъ Поклонный мегIералда рахъарал>>
Балагье фотоальбомалъухъ музеялда жаниб рахъарал >>


Гьаб къватIибе биччаялъе квербакъана Москва шагьаралъул рекламаялъул ва информациял алатазул департаменталъул хIаракаталдалъун