Россиялъул халкъал цолъиялъул къоялъ улкаялъул президент Владимир Путиница шапакъат кьуна гIемерал соназ Дагъистаналъе нухмалъи гьабурав МухIамадов МухIамадгIалие.

Миллат гъункизабуралъухъ ва гьеб ишалде цIикIкIун кIваркьурав пачалихъияв хIакимчиясе Россиялъул президентасул премия кьезе хIукму гьабуна Владимир Путиница. Ункъабилеб ноябралда, улкаялъул цIияб байрамкъоялда гьеб премия кьуна МухIамадов МухIамадгIалие. Рехсараб премиялъул тIоцевесев лауреат хIисабалдаги тарихалде ана МухIамадгIалил цIар. 2016 соналдаса нахъе Президентасул премия кьезе буго щибаб соналъ, амма цохIо чиясе.

ХIакъикъат казияталдаса босараб